3
ڕۆژی هه‌ینی ١١ خه‌زه‌ڵوه‌ر، بنه‌ماڵه‌یێكی به‌لووچ له ناوچه‌ی گه‌وهه‌ركێوی سه‌ر به شارستانی ته‌فتان، له‌لایه‌ن هێزه‌كانی ڕژیمه‌وه به توندووتیژییه‌وه ده‌ستبه‌سه‌ر و بۆ شوێنێكی نادیار ڕاگوێزران.
به پێی ڕاپۆرتی كه‌مپه‌ینی چالاكانی به‌لووچ، چوار ئه‌ندامی بنه‌ماڵه‌یێكی به‌لووچ به ناوه‌كانی “ڕه‌حیمه ده‌همه‌رده” ته‌مه‌ن ٣٦ ساڵ، “یونس ده‌همه‌رده” ته‌مه‌ن ٢٩ ساڵ، “گولمحه‌ممه‌د قه‌لجایی” ته‌مه‌ن ٤١ ساڵ و “عارف قه‌لجایی” ته‌مه‌ن ١٨ ساڵ، له‌لایه‌ن هێزه ئه‌منییه‌كانی ڕژیمه‌وه به توندووتیژییه‌وه ده‌ستبه‌سه‌ر كراون و زانیارییه‌ك له‌سه‌ر چاره‌نووس و هۆكاری به‌ندكرانیان له به‌رده‌ست دا نییه.
