ده‌ستبه‌سه‌ركردنی دوو ئه‌ندامی بنه‌ماڵه‌یه‌ك له‌ كرماشان

له‌ ڕۆژانی ڕابردوودا، دوو هاووڵاتی خه‌ڵكی كرماشان به‌ ناوه‌كانی حەمید عینایەتی، تەمەن ٤٥ ساڵ و فەرید عینایەتی، تەمەن ٣٧ ساڵ لە هێرشی هێزه‌ ئه‌منیه‌كانی كۆماری ئیسلامی بۆ سه‌ر ماڵه‌كانیان ده‌ستبه‌سه‌ر كران.

به‌پێی زانیارییه‌كان، حەمید و فەرید عینایەتی دوای ڕفاندن بۆ شوێنێکی نادیار گواستراونەتەوە و ماوه‌ی ١٢ ڕۆژه‌ چاره‌نووسیان به‌ ناڕوونی ماوه‌ته‌وه‌. شایانی باسە کە، فەرید عینایەتی لە شۆڕشی ژیناش دەستبەسەر و دوای ماوەیەک بە دانانی بارمتە بە شێوەی کاتی ئازاد کرابوو. تا كاتی داڕشتنی ئه‌م هه‌واڵه‌ زانیارییه‌ك له‌سه‌ر هۆكاری به‌ندكران و شوێنی ڕاگیرانی ئه‌و دوو چالاكه‌ مه‌ده‌نییه‌ له‌به‌رده‌ست دا نییه‌.