24
ڕۆژی یەکشەممە ١٣ی ڕەشەمە، “سولەیمان عەبدی”، ئەندامی ئەنجوومەنی سنفی موعه‌لیمانی کوردستان(لقی سەقز)، بەمەبەستی جێبەجێکرانی سزای به‌ندكرانه‌كه‌ی بانگهێشت و پاش ده‌ستبه‌سه‌ركردن بۆ زیندانی ناوه‌ندی ئه‌و شاره ڕاگوێزرا.
“سولەیمان عەبدی” پێشتر لەلایەن لقی ١٠٥ی دادگای كه‌یفه‌ری ٢ی سەقز بە تۆمەتی “تێکدانی ئاسایشی گشتی لە ڕێگەی بەشداریکردن لە کۆبوونەوەی نایاسایی گۆڕستانی ئایچی” سزای هەشت مانگ بەندکران و لێدانی ٧٠ زەربەی قامچی بەسەردا سەپێندرابوو. شایەنی باسە کە، سزای ٨ مانگ بەندکرانی پێشووی ئەو مامۆستایە، بۆ ٧٢٠ کاتژمێر وانەوتنەوە بەو کەسانەی کە لە ژێر چاودێری کۆمیتەی ئیمداددان گۆڕدراو و سزای ٧٠ زەربەی قامچییەکەی، بۆ دوو ساڵ و شەش مانگ ته‌علیق كرا.
