ده‌ستبه‌سه‌ركردنی فرووغ خۆسره‌وی له‌ بێهبه‌هان

فرووغ خۆسره‌وی، موعه‌لیمی خه‌ڵكی شارستانی بێهبه‌هان، ڕۆژی سێشه‌ممه‌ ٧ی گه‌لاوێژ له‌لایه‌ن ئیتلاعاتی سپای پاسدارانه‌وه‌ ده‌ستبه‌سه‌ر كرا.

یه‌ك حه‌فته له‌مه‌وبه‌ر هێزه‌كانی ئیتلاعاتی سپای بێهبه‌هان هێرشیان كردبووه‌ سه‌ر ماڵی فرووغ خۆسره‌وی و وێڕای پشكینی ماڵه‌كه‌ی، مۆبایل و له‌ب تاپه‌كه‌یان زه‌وت كردبوو. به‌یانی سێشه‌ممه‌ ئیداره‌ی ئیتلاعاتی ئه‌و شاره‌ ناوبراوی بانگهێشت كرد، به‌ڵام فرووغ به‌هۆی نه‌بوونی ئیبلاغیه‌ی فه‌رمی دادگا، سه‌ردانی ئه‌و ناوه‌نده‌ ئه‌منیه‌تیه‌ی نه‌كرد و به‌ كاتی ئێواره‌ له‌لایه‌ن هێزه‌كانی ئیتلاعاتی سپای پاسدارانه‌وه‌ ده‌ستبه‌سه‌ر كرا‌. شایانی باسه‌ كه‌ ڕۆژی ٣٠ی جۆزه‌ردانی ئه‌مسالیش ئه‌و چالاكه‌ سنفیه‌ جارێك ده‌ستبه‌سه‌ر كرابوو.