16
به‌یانی چوارشه‌ممه ٢ی جۆزه‌ردان، هاووڵاتیه‌كی خه‌ڵكی ورمێ به ناوی “سه‌ید زاهد موسه‌وی” ته‌مه‌ن ٦٠ ساڵ له‌لایه‌ن هێزه ئه‌منیه‌تیه‌كانه‌وه به توندووتیژییه‌وه ده‌ستبه‌سه‌ر كرا.
به‌پێی ڕاپۆرتی كۆڵبه‌رنیووز، هێزه ئه‌منیه‌تیه‌كانی كۆماری ئیسلامی به‌یانی چوارشه‌ممه هێرشیان كردۆته سه‌ر ماڵی “سه‌ید زاهد موسه‌وی” له گوندی “عه‌بدی به‌یگ”ی سه‌ر به ناوچه‌ی سۆما و به‌رادۆستی ورمێ و وێڕای شكاندنی درگا و په‌نجه‌ره‌ی ماڵه‌كه، كۆمه‌ڵێك له كه‌لووپه‌لی نێو ماڵه‌كه‌یان زه‌وت كردووه و سه‌ید زاهدیان به توندووتیژییه‌وه ده‌ستبه‌سه‌ر و بۆ شوێنێكی نادیار گواستۆته‌وه.
