18
ڕۆژی چوارشه‌ممه ١١ی ڕه‌زبه‌ری ١٤٠٣، په‌ره‌ستارێكی خه‌ڵكی دیوانده‌ره و دانیشتووی شاری سنه به ناوی وریا نیزامی له‌لایه‌ن هێزه ئه‌منیه‌تیه‌كانه‌وه ده‌ستبه‌سه‌ر كرا.
به‌پێی زانیارییه‌كان، هێزه ئه‌منیه‌تیه‌كانی شاری سنه به بێ به‌ڵگه‌ی قه‌زایی هێرشیان كردووه‌ته سه‌ر ماڵی وریا نیزامی و ناوبراویان به توندووتیژییه‌وه ده‌ستبه‌سه‌ر كردووه. تا كاتی داڕشتنی ئه‌م هه‌واڵه زانیارییه‌ك له‌سه‌ر هۆكاری به‌ندكران و شوێنی ڕاگیرانی ئه‌و چالاكه سنفییه له به‌رده‌ست دا نییه.
