44
هێزه‌كانی سپای پاسداران ڕۆژی دووشه‌ممه ٢٧ی خاكه‌لێوه، هێرشیان كرده سه‌ر خانوویه‌ك له شارۆچكه‌ی جیهادی زاهدان و چوار كرێكاری ئه‌فغانستانیان به ته‌قه‌ی ڕاسته‌وخۆ و توندووتیژی ده‌ستبه‌سه‌ر كرد.
به‌پێی ڕاپۆرتی ڕێكخراوی حال وه‌ش، هێزه‌كانی سپای پاسداران هێرشیان كردۆته سه‌ر بینایه‌كی نیوه‌كاره له شارۆچكه‌ی جیهادی زاهدان و ڕاسته‌وخۆ ته‌قه‌یان له كرێكاران كردووه. له ئه‌نجامی ئه‌و هێرشه‌دا، چوار كرێكاری ئه‌فغانستانی ده‌ستبه‌سه‌ر و سێ كرێكار بریندار بوون. شایانی باسه ك ئه‌ندازیاری ئه‌و ساختمانه له ئاست هه‌ڵسووكه‌وتی وه‌حشیانه‌ی سپای پاسداران ناڕه‌زایه‌تی ده‌ربڕیوه، به‌ڵام به زه‌ربه‌ی باتۆم به‌سه‌ختی بریندار و ڕه‌وانه‌ی نه‌خۆشخانه كراوه.
