4
ڕۆژی سێشهممه ٢٥ی سهرماوهزی ١٤٠٤ی ههتاوی، دوو هاووڵاتی خهڵكی شاری بۆكان له لایهن هێزه ئهمنیهكانی ڕژیمهوه دهستبهسهر و هێشتا چارهنووسیان دیار نییه.
به پێی ڕاپۆرتهكان، ئهو دوو هاووڵاتییه به ناوهكانی “ئیبراهیم مهردانی و ڕهسوول یادیار“، به هێرشی هێزهكانی ئیدارهی ئێتڵاعاتی ئهو شاره بۆ سهر ماڵهكانیان دهستبهسهر و ڕهوانهی شوێنێكی نادیار كراون. شایانی باسه سهرهڕای بهدواداچوونهوهی بنهماڵهكانیان له سهر دۆخی تهندروستی و شوێنی ڕاگرتنیان، تا كاتی داڕێشتنی ئهم ههواڵه سهبارهت به ئهو دوو دهستبهسهر كراوه زانیارییهك له بهردهستدا نییه.
