2
“جه‌وهه‌ر هه‌ركی” ژینگه‌پارێز و شاخه‌وانی خه‌ڵكی شاری شنۆ، به مه‌به‌ستی تێپه‌ڕاندنی ماوه‌ی به‌ندكرانه‌كه‌ی ده‌ستبه‌سه‌ر و ڕه‌وانه‌ی ببه‌ندیخانه‌ی ناوه‌ندی ورمێ كرا.
ناوبراو ڕۆژی دووووشه‌ممه ١٦ی پووشپه‌ڕی ئه‌مساڵ له لایه‌ن دادگا ئینقلابی شاری شنۆ، به تۆمه‌تی “ته‌بلیغ دژ به ڕژیم له به‌رژه‌وه‌ندی گروپه نه‌یاره‌كانی ڕژیمی كۆماری ئیسلامی“، حوكمی ده مانگ زیندانی ته‌عزیری به‌سه‌ردا سه‌پێندراوه. جێگای ئاماژه‌یه ئه‌و هاووڵاتی له ساڵانی پێشوو، باره‌ها له لایه‌ن هێزه ئه‌منیه‌كانی ڕژیمه‌وه به هۆی چالاكییه ژینگه‌ییه‌كانی خراوه‌ته ژێر گوشار و هه‌روه‌ها لێپرسینه‌وه‌ی لێ كراوه.
