25
له ڕۆژانی ڕابردوودا، دوو هاووڵاتی خه‌ڵكی شاره‌كانی دیوانده‌ره و پیرانشار به ناوه‌كانی “ڕادمان سوله‌یمانی” و “ئومید خزرنژاد” له‌لایه‌ن هێزه ئه‌منیه‌تیه‌كانه‌وه ده‌ستبه‌سه‌ر كراون.
ڕۆژی شەممە، ٧ی ڕێبەندان، هاووڵاتییەک بە ناوی “ئومید خزرنژاد”، خەڵکی گوندی “گردەبن”ی سەر بە پیرانشار، پاش بانگکران بۆ ئیتلاعاتی ئەم شارە دەستبەسەر کراوه. به‌پێی زانیارییه‌كان، هۆكاری به‌ندكران و شوێنی ڕاگیرانی ئه‌و هاووڵاتیه ڕوون نییه و به‌دواداچوونی بنه‌ماڵه‌كه‌ی ئاكامێكی نه‌بووه. له‌لایه‌كی دیكه‌وه ڕۆژی سێشه‌ممه ١٠ی ڕێبه‌ندان، گه‌نجێكی خه‌ڵكی دیوانده‌ره به ناوی “ڕادمان سوله‌یمانی” به‌بێ به‌ڵگه‌ی قه‌زایی له‌لایه‌ن ئیداره‌ی ئیتلاعاته‌وه ده‌ستبه‌سه‌ر كراوه.
