به‌وته‌ی ژماره‌یه‌ك له به‌ندكراوانی زیندانی ته‌ورێز، سه‌رۆكی زیندان و به‌رپرسی حه‌راسه‌ت به‌پێی وێنه‌ی ئه‌و ژنانه‌ی له نێو كامپیوته‌ره‌كانیان تۆمار كراوه، قوربانیه‌كانیان هه‌ڵ ده‌بژێرن و پاش وه‌ختی ئیداری ده‌ستدرێژی سێكسی ئه‌كه‌نه سه‌ریان.
زیندانی ته‌ورێز ١٤ به‌ند و هه‌ر به‌ند زه‌رفیه‌تی ٣٠٠ به‌ندكراوی هه‌یه، به‌ڵام ئێستا له هه‌ر به‌ند نزیكه‌ی ٨٠٠ به‌ندكراو ڕاگیراون و زۆربه‌یان له‌سه‌ر زه‌وی دا ده‌خه‌ون. بۆ هه‌ر به‌ند پێنج حه‌مام هه‌یه و ئاوی گه‌رم به‌رده‌وام قه‌تع ئه‌بێت. ئه‌و زیندانه بۆ ١٨٠٠ به‌ندكراو ئاماده كرابوو به‌ڵام ئێستا له حاڵه‌تی ستاندارد ده‌رچووه و به‌رپرسانی زیندان زه‌رفیه‌تیان بردووه‌ته سه‌ره‌وه. شایانی باسه كه به‌ندكراوانی تاوانه كۆمه‌ڵایه‌تیه‌كان له‌گه‌ڵ به‌ندكراوانی سیاسی و بیرمه‌ند تێكه‌ڵن و جیا نه‌كراونه‌ته‌وه.
