دۆخی خراپی به‌ندكراوانی ژن له‌ زیندانی لاكانی ڕه‌شت

به‌پێی ڕاپۆرتی دادبان، به‌ندی ژنانی زیندانی لاكانی ڕه‌شت كه‌مترینی ئیمكاناتی ڕیفاهی و بێهداشتی هه‌یه‌ و به‌شێكی زۆر له‌ به‌ندكراوان تووشی نه‌خۆشی پێستی بوون.

به‌ پێی زانیارییه‌كان، زه‌رفیه‌تی به‌ندی ژنانی زیندانی لاكانی ڕه‌شت ٧٠ كه‌سه‌ به‌ڵام ٢٠٠ به‌ندكراوی تێدایه‌. قه‌ره‌باڵغبوونی زیندان كێشه‌ی بێهداشتی و ده‌رمانی بۆ به‌ندكراوان ساز كردووه‌ و به‌رپرسانی به‌ندیخانه،‌ ته‌نیا یه‌ك پزیشكی ناكارامه‌یان بۆ ده‌رمانگای زیندان دابین كردووه‌ كه‌ دوو حه‌فته جارێك سه‌ردانی به‌ندكراوان ده‌كات. به‌ وته‌ی سه‌رچاوه‌كانی هه‌واڵ، به‌ندكراوان و بنه‌ماڵه‌كانیان به‌ هه‌زینه‌ی خۆیانه‌وه‌‌ ده‌رمان داببین ده‌كه‌ن و ئه‌گه‌ر ڕێكخراوه‌ مه‌ده‌نییه‌كان نه‌بن، زۆربه‌ی به‌ندكراوان له‌ ده‌رمان و خزمه‌تگوزاری پزیشكی بێبه‌ش ده‌بن.