كۆمه‌ڵێك له بنه‌ماڵه دادخوازه‌كانی ئێران، ڕۆژی دووشه‌ممه ٤ی خاكه‌لێوه‌ی ١٤٠٤، چاویان به بنه‌ماڵه‌ی هه‌میشه زیندوو جه‌واد حه‌یده‌ری كه‌وت و بۆ جارێكی دیكه په‌یمانیان له‌گه‌ڵ ئاواته‌كانی نوێ كرده‌وه.
به‌شداربووانی ئه‌و چالاكییه به به‌ده‌سته‌وه‌گرتنی وێنه‌ی ڕۆڵه‌كانیان كاردانه‌وه‌یان به‌رانبه‌ر به ڕووداوه‌كانی ڕۆژی ٢ی خاكه‌لێوه له شاری ورمێ نیشان دا و ڕایانگه‌یاند: خه‌ڵكی ئێران ئه‌بێ وشیار بن و فریوی پیلانه‌كانی كۆماری ئیسلامی بۆ ئاژاوه نانه‌وه له نێوان نه‌ته‌وه‌كانی كورد و تورك نه‌خۆن. ڕۆڵه‌كانی ئێمه گیانیان له پێناو ئازادی و به‌رابه‌ری هه‌موو گه‌لانی ئێران به‌خت كردووه و ئێمه‌ش له سه‌ر ئه‌و ڕێبازه‌دا به‌رده‌وامین. بنه‌ماڵه دادخوازه‌كانی ئێران له كۆتایی دا وێڕای ڕێزلێنان له یادی هه‌موو قوربانیانی سه‌ركوتی چوار ده‌یه‌ی ڕابردوو، په‌یمانیان له‌گه‌ڵ ئامانجه‌كانیان نوێ كرده‌وه.
