21
به‌پێی هه‌واڵی گه‌یشتوو، ڕۆژی دووشه‌ممه ١٠ی گوڵان، دایكانی دادخوازی سنه هاوڕێ له‌گه‌ڵ ژماره‌یه‌ك له چالاكانی مه‌ده‌نی ئه‌و شاره له ماڵی دایه خه‌دیجه، دایكی نه‌مر “حامد سه‌یف په‌ناهی” كۆبوونه.
به‌شداربووانی ئه‌و چالاكییه هاوكات له‌گه‌ڵ ڕۆژی جیهانی كرێكار سه‌ردانی بنه‌ماڵه‌ی “حامد سه‌یف په‌ناهی”یان كردووه و په‌یمانیان له‌گه‌ڵ ئاواتی هه‌موو گیانبه‌ختكردووانی ڕێگای ئازادی و به‌رابه‌ری دا نوێ كردۆته‌وه. “حامد سه‌یف په‌ناهی” له تێكۆشه‌رانی ڕێگای ئازادی له شاری سنه بوو كه له مانگی پووشپه‌ڕی ساڵی ٩٦ی هه‌تاوی هاوڕێ له‌گه‌ڵ دوو هاوڕێی دیكه‌ی به ده‌ستڕێژی گوله‌ی سه‌ركوتگه‌رانی سپای پاسداران گیانیان به‌خت كرد. هاوڕێی چواره‌م “ڕامین حسێن په‌ناهی” به برینداری ده‌ستبه‌سه‌ر و له ڕێكه‌وتی ١٧ی خه‌رمانانی ساڵی ٩٧ له سێداره درا.
