بەپێی ڕاپۆرتەکان، دەزگای ئاسایشی دەوڵەتی قەتەر ڕایگەیاندووە کە هێزە ئەمنییەکان توانیویانە پیلانێکی تێکدەرانە پووچەڵ بکەنەوە و ژمارەیەک کەس کە پەیوەندییان بە سپای پاسدارانەوە هەبووە دەستبەسەر بکەن.
بەپێی ڕاپۆرتی ئاژانسی هەواڵی قەتەر، ئەم ئۆپەراسیۆنە دوای چاودێرییەکی وردی ئەمنیی ئەنجام دراوە و ١٠ کەس لە ئەندامانی ئەم تۆڕە دەستگیر کراون. بەپێی زانیارییەکان، ئەوان بە دوو گرووپ دابەش بوون، گرووپی یەکەم کە حەوت کەس بوون ئەرکی کۆکردنەوەی زانیاری و سیخوڕیکردنیان لەسەر دامەزراوە سەربازی و ناوەندە ستراتیژییەکانی وڵات پێسپێردرابوو. هەروەها گرووپی دووەم کە سێ کەس بوون راهێنانی تایبەتیان بۆ ئەنجامدانی کردەوەی تێکدەرانە و بەکارهێنانی درۆن بۆ لێدانی ئامانجەکان وەرگرتبوو. بەپێی ئەم ڕاپۆرتە، ئەم ئۆپەراسیۆنە بە دەستبەسەرکرانی ئەم کەسانە کۆتایی هاتووە و هێزە ئەمنییەکان لێکۆڵینەوەیان لەسەر وردەکارییەکانی ئەم تۆڕە بەردەوامە.
