لە درێژەی دۆخی ئەمنی، هێزە ئەمنییەکان ڕایانگەیاندووە ٢٨ کەسیان لە پارێزگای سیستان و بلوچستان بە تۆمەتی پەیوەندیدار بە چالاکی تێکدەرانە و دانانی پلانی ئۆپەراسیۆن، دەستبەسەر کردووە، بەڵام هێشتا وردەکارییەکان لەم بابەتەوە بە تەواوی ڕوون نەکراوەتەوە.
بەپێی ئەم ڕاپۆرتە، ١٣ کەس سەر بە گرووپە نەیارەکان بە تۆمەتی هەوڵدان بۆ چوونە ناو وڵاتەوە، ١٠ کەس بە تۆمەتی دروستکردنی دۆڕی ڕێکخستن و هێڵە ئۆپەراسیۆنییەکان، و هەروەها ٥ کەسی دیکەش بە تۆمەتی چالاکیی میدیایی و ناردنی زانیاری دەربارەی ناوچە سەربازیی، بەرگری و ئابوورییەکان دەستبەسەر کراون. بەڵام تا ئێستا هیچ زانیارییەک لەبارەی ناسنامەی ئەو کەسانە، پرۆسەی دادگایی، دەستڕاگەیشتن بە پارێزەر و دۆخی راگرتنیان بڵاونەکراوەتەوە. ئەمەش نیگەرانی ناوخۆیی و نێودەوڵەتی سەبارەت بە پێشێلکرانی مافەکانیان و ئەگەری وەرگرتنی دانپێدانی زۆرەملێ زیاد کردووە.
