دەستبەسەر کرانی هاووڵاتییەکی خەڵکی شاری بانە

ڕۆژی یەکشەممە ۲۷ی ڕەزبەری ۱۴۰۴ی هەتاوی، هاووڵاتییەکی خەڵکی شاری بانە، لە لایەن هێزە ئەمنیەکانی ڕژێمەوە دەستبەسەر کرا.

ئەو هاووڵاتییە بە ناسناوی “شاهۆ ئیبراهیمی” خەڵکی گوندی “سەبەدلوو” سەر بە شاری بانە، بە هێرشی هێزەکانی ئیدارەی ئێتڵاعاتی ئەو شارە بۆ سەر ماڵەکەی دەستبەسەر و ڕەوانەی شوێنێکی نادیار کراوە. شایانی باسە سەرەڕای بەدواداچوونەوەی بنەماڵەکەی لە سەر شوێنی ڕاگرتن و دۆخی تەندروستی، تا کاتی داڕێشتنی ئەم هەواڵە سەبارەت بە ئەو دەستبەسەر کراوە زانیارییەک لە بەردەستدا نییە.