14
ڕۆژی شەممە ١٥ی خاکەلێوە بومەلەرزەێکی توند بە قەبارەی ٥.٩ ڕیشتەر لە ناوچەی چیای هێندوکوشی ئەفغانستان ڕوویدا، کە بەهۆیەوە لانیکەم ٨ کەس لە ئەندامانی یەک خێزان گیانیان لەدەستدا.
بەپێی ڕاگەیاندنی بەرپرسانی ناوخۆ، منداڵێکیش لەم ڕووداوەدا بریندار بووە و هێشتا هەڵسەنگاندنی زیانەکان بەردەوامە. بەهۆی دوورەدەستبوونی شوێنی ڕووداوەکە، هەڵسەنگاندنی وردی کاریگەرییەکانی بوومەلەرزەکە، دەکرێت کاتێکی زیاتر بخایەنێت. ئەم بوومەلەرزەیە جگە لە ئەفغانستان، لە شارەکانی ئیسلام ئاباد، پێشاوەر و سواتی پاکستان و هەروەها لە چەند ناوچەیەکی هندوستان لەوانە دێهلی نەو، پەنجاب و جاموو و کشمیرش هەست پێکراوە. شایانی باسە کە هێشتا زانیارییەکی ورد دەربارەی زیانەکان بڵاونەکراوەتەوە.
