زیادبوونی گوشاری ئەمنی لەسەر چالاکانی فەرهەنگی

لە ڕۆژانی کۆتایی ساڵدا، ڕێژەی گوشار بۆ سەر چالاکانی فەرهەنگی بە ڕێژەیەکی بەرچاو بەرز بووەتەوە و کۆمەڵێکی زۆر لە هاووڵاتیان دەستبەسەرکراون.

بەپێی ئەم ڕاپۆرتانە، هێزە ئەمنییەکان بە هێرش بۆ سەر ماڵی لانیکەم پێنج چالاکی فەرهەنگی، سەرەڕای دەستبەسەرکرانی کۆمەڵێک لە ئەندامانی بنەماڵەکانیان، ژمارەیەک لە کەلوپەلەکانیان زەوت کردووە. بەپێی دواییە ڕاپۆرتەکان، “مەنوچێهر ئاقابەیگی” ئەندامی ئەنجومەنی سەندیکای موعەلیمانی کرماشان، لە ئەنجامی هێرشی هێزە ئەمنیەکان بۆ سەر ماڵەکەی دەستبەسەر و ڕەوانەی گرتووخانەی ناوەندە ئەمنیەکان کراوە. شایانی باسە کە شەورای هاوئاهەنگی ڕێکخراوەی سنفی فەرهەنگیان ئەم کردەوەی ڕژیمەیان بە کردەوەیەکی نایاسایی و دژ بە مافەکانی مرۆڤ ناو بردووە و جەختیان لەسەر ئەوە کردووەتەوە کە پێویستە ناوبراو لە زووترین کاتدا بە بێ مەرج ئازاد بکرێت.