43
ڕۆژی یه‌كشه‌ممه ١٧ی پووشپه‌ڕ، خولی دووهه‌می هه‌ڵبژاردنی پاڕله‌مانی فه‌ڕانسه ده‌ستی پێ كرد و هاوپه‌یمانی حیزبه چه‌په‌كان زۆرترین كورسییه‌كانی پاڕله‌مانیان بۆ خۆیان مسۆگه‌ر كرد و حیزبه‌كه‌ی ئیمانۆئێل ماكرۆن له ڕیزی دووهه‌م و حیزبی ڕاستگه‌رای توندئاژوو پله‌ی سێهه‌می به ده‌ست هێنا.
پاش بڵاوبوونه‌وه‌ی ئاكامی هاڵبژاردنه‌كانی پاڕله‌مان، لایه‌نگرانی حیزبه چه‌په‌كانی فه‌ڕانسه ڕژانه سه‌ر شه‌قامه‌كانی پاریس و چه‌ند شاری دیكه و جه‌ژنی سه‌ركه‌وتنیان گێڕا. له پاریس و ڕێن هێزه‌كانی پۆلیس هێرشیان كرده سه‌ر دژبه‌رانی فاشیزم و تێكهه‌ڵچوون ڕوویدا، چه‌ند كه‌س بریندار و ژماره‌یه‌ك خۆپێشانده‌ریان ده‌ستبه‌سه‌ر كرد.
