سه‌ركه‌وتنی یه‌كه‌م سه‌رۆككۆماری ژنی چه‌پگه‌را له‌ مێكزیك

ژماردنی ده‌نگه‌كان له‌ مێكزیك ده‌ری خستووه‌ كه‌ “كلۆدیا شینبائووم” به‌ربژێری حیزبی چه‌پگه‌رای مێكزیك به‌ زۆرترین ده‌نگ له‌ هه‌ڵبژاردنی سه‌رۆككۆماری ئه‌و وڵاته سه‌ركه‌وتوو بووه‌.

“كلۆدیا شینبائووم” یه‌كه‌مین ژنی چه‌پگه‌رانی مێكزێكه‌ كه‌ له‌ هه‌ڵبژاردنی سه‌رككۆماری ئه‌و وڵاته سه‌ر ده‌كه‌وێت و له‌ سه‌ره‌تای مانگی ئۆكتۆبه‌ری ئه‌مساڵه‌وه‌ ده‌ست به‌كار ده‌بێت. ئه‌و سیاسه‌تمه‌داره‌ ته‌مه‌ن ٦١ ساڵه‌ پێشتر شاره‌داری شاری مێكزیكۆسیتی بووه‌ و پاش سه‌ركه‌وتن به‌ لایه‌نگرانی وتووه‌ كه‌ حیزبه‌كه‌ی زۆرینه‌ی كورسیه‌كانی كۆنگره‌ی به‌ده‌ست هێناوه‌ و هه‌موو به‌ڵێنه‌كانی جێبه‌جێ ده‌كات.