به‌پێی ڕاپۆرتی ناوه‌نده‌كانی مافی مرۆڤ، ده‌زگای قه‌زایی ڕژیم، سزای ١٥ ساڵ زیندانی به‌سه‌ر “محه‌ممه‌دعه‌لی وه‌حده‌تی” ته‌مه‌ن ٦٥ ساڵ، شارومه‌ندی كوردی خه‌ڵكی قووچان له خۆراسانی شومالی سه‌پاندووه.
به‌پێی زانیارییه‌كان، “محه‌ممه‌دعه‌لی وه‌حده‌تی” له ڕه‌وتی شۆڕشی ژینا له ئاست كومه‌ڵكوژكردنی خه‌ڵك ناڕه‌زایه‌تی ده‌ربڕیبوو. ڕۆژی شه‌ممه ٢٨ی ڕێبه‌ندان، ئه‌و هاووڵاتیه به مه‌به‌ستی تێپه‌ڕكردنی ماوه‌ی به‌ندكرانی ده‌ستبه‌سه‌ر و بۆ زیندانی وه‌كیل ئابادی مه‌شهه‌د گوازرایه‌وه. ناوبراو به‌هۆی ته‌مه‌نی زۆر و تووشبوونی به نه‌خۆشی، نابێت له زیندان دا بمێنێته‌وه به‌ڵام ده‌زگای قه‌زایی ڕژیم ئه‌و شارومه‌نده‌ی به تۆمه‌ته‌كانی “ته‌بلیغ دژی نیزام”، “بێڕێزی به ڕێبه‌ری”، بێڕێزی به خۆمه‌ینی” و “ئه‌ندامه‌تی له گرووپه نه‌یاره‌كانی ڕژیم” به ١٥ ساڵ زیندان مه‌حكووم كردووه.
