سووتاندنی دارستانه‌كان له‌ بانه‌ و له‌ناوچوونی ژینگه‌

به‌پێی هه‌واڵی گه‌یشتوو، پووش و پاوان و دارستانه‌كانی گوندی كوێره‌ گوێزه‌ی بانه له‌لایه‌ن دوژمنانی ژینگه‌وه‌ ئاگر دراوه‌ و هه‌وڵی ژینگه‌پارێزان بۆ دامركانه‌وه‌ی ئاگره‌كه‌ ئاكامێكی نه‌بووه‌.

به‌پێی ئه‌و دیمه‌نانه‌ی به‌ ده‌ستمان گه‌یشتووه‌، ئه‌ندامانی ئه‌نجومه‌نی پاژینی بانه سه‌رقاڵی كوژانه‌وه‌ی ئاگره‌كه‌ن، به‌ڵام به‌هۆی شاخاوی بوونی ناوچه‌كه‌ و نه‌بوونی ئیمكانات نه‌یانتوانیوه‌ كونتڕۆڵی بكه‌ن. ئه‌نجومه‌نی پاژینی بانه داوای له‌ خه‌ڵكی شاری بانه و گونده‌كانی ده‌ورووبه‌ری كرد به‌ هانایانه‌وه‌ بچن و ڕێگه‌ نه‌ده‌ن كه‌سانی هه‌ڵپه‌رست سرووست و ژینگه‌ی كوردستان له‌ ناو ببه‌ن.