سووتانی له‌وه‌ڕگه‌كانی ئاوایی ڕه‌شه‌كان له‌ پاوه‌

ڕۆژی دووشه‌ممه‌ ٢٠ی گه‌لاوێژ، دارستان و له‌وه‌ڕگه‌كانی ئاوایی ڕه‌شه‌كانی سه‌ر به‌ شارستانی پاوه‌ له‌ ئاگردا سووتا و زیانێكی زۆر به‌ ژینگه‌ی ناوچه‌كه‌ گه‌یشت.

به‌پێی ئه‌و دیمه‌نانه‌ی له‌ تۆڕه‌ كۆمه‌ڵایه‌تیه‌كان بڵاو كراوه‌ته‌وه‌، ڕووبه‌ڕێكی زۆر له‌ دارستان و له‌وه‌ڕگه‌كانی ئاوایی ڕه‌شه‌كان له‌لایه‌ن ناحه‌زانه‌وه‌ سووتێندراوه‌ و ژینگه‌دۆستانی پاوه‌ پاش چه‌ند كاتژمێر تێكۆشان توانیویانه ئاگره‌كه‌‌ كۆنتڕۆڵ بكه‌ن.