13
شه‌وی سێشه‌ممه ٢٣ی گوڵان، ئه‌رته‌شی ئیسڕائیل له ڕێگه‌ی فڕۆكه و تۆپخانه‌وه چه‌ند ناوچه‌ی له كه‌رتی غه‌زه بۆردوومان كرد و به‌وهۆیه‌وه ٥١ ژن و منداڵ گیانیان له‌ده‌ستدا.
به پێی زانیارییه‌كان، ئه‌رته‌شی ئیسڕائیل به بیانووی به ئامانجگرتنی براكه‌ی یه‌حیا سینوار و ڕێبه‌رانی دیكه‌ی حه‌ماس، چه‌ند ناوچه‌ی نیشته‌جیبوونی ئاواره‌كانی به چڕی بۆردوومان كردووه و له ئه‌نجامی ئه‌و هێرشانه‌دا، به لانیكه‌م ٥١ ژن و منداڵ بوونه‌ته قوربانی و به ده‌یان كه‌س بریندار بوون.
