32
ڕۆژی چوارشه‌ممه ٢ی جۆزه‌ردان، ٢٧ كرێكاری خه‌ڵكی ئیستانبوول و پێنج هاووڵاتی كوردی خه‌ڵكی ڕۆحا له باكووری كوردستان له‌لایه‌ن پۆلیسی توركیاوه ده‌ستبه‌سه‌ر كران.
به‌پێی ڕاپۆرته‌كان، ٢٧ ئه‌ندامی حیزبی كارگه‌رانی توركیا، حیزبی لاوانی شۆڕشگێڕ، فدراسیۆنی ئه‌نجومه‌نه سۆسیالیستییه‌كان، حیزبی ئازادی كۆمه‌ڵایه‌تی، حیزبی بزووتنه‌وه‌ی كرێكاری، حیزبی كرێكارانی سۆسیالیست و ده‌سپێشخه‌ری ڕێكخراوه سۆسیالیسته‌كان له هێرشی پۆلیسی توركیا و به بیانووی به‌شداری كردنیان له خۆپێشاندانی ڕۆژی یه‌كی مه‌ی له مه‌یدانی ته‌قسیمی ئیستانبوول ده‌ستبه‌سه‌ر كراون. له‌لایه‌كی دیكه‌وه پێنج كرێكاری خه‌ڵكی شاری ڕۆحا له باكووری كوردستان به هه‌مان بیانوو له‌لایه‌ن پۆلیسه‌وه ده‌ستبه‌سه‌ر و په‌روه‌نده‌سازیان بۆ كراوه.
