ماوه‌ی ٢٤ كاتژمێره شه‌ڕێكی قورس له نێوان گرووپه ئیسلامگه‌راكانی سه‌ر به ده‌وڵه‌تی توركیا له شاری عه‌فرینی داگیركراو ڕوو ئه‌دات و به‌پێی دوایین زانیارییه‌كان، ده‌یان چه‌كدار و كه‌سی مه‌ده‌نی كوژران و بریندار بوون.
به پێی ڕاپۆرتی میدیاكانی ڕۆژئاوای كوردستان، شه‌ڕ له نێوان چه‌كدارانی دوو گرووپی له‌شكه‌ری حه‌مزه و ته‌حریر ئه‌لشام ڕوویداوه و ده‌یان كه‌س له هه‌ر دوو لاو كوژران و بریندار بوون. هه‌روه‌ها چه‌ندین ژن و منداڵ و به‌ساڵاچوو به‌هۆی بۆردوومانه‌كانی هه‌ر دوو لاو بوونه‌ته قوربانی و ده‌وڵه‌تی توركیاش ده‌ستێوه‌ردانی نه‌كردووه. شایانی باسه كه باقری كه‌نی وه‌زیری ده‌ره‌وه‌ی كۆماری ئیسلامی سه‌ردانی سووریه كردووه و به‌رپرسانی ده‌وڵه‌تی سووریه مه‌رجی ئاساییكردنه‌وه‌ی پێوه‌ندییه‌كانیان له‌گه‌ڵ توركیا، كشانه‌وه‌ی ته‌رته‌شی تورك له ناوچه داگیركراوه‌كان ڕاگه‌یاندووه.
