شه‌وی پێنجشه‌ممه ١٦ی ڕه‌شه‌مه‌ی ١٤٠٣، چه‌ند خۆپێشانده‌ری عه‌له‌وی به ته‌قه‌ی هێزه ئه‌منیه‌كانی سووریا كوژران و پاش ئه‌و ڕووداوه شه‌ڕی چه‌كداری له نێوان پاشماوه‌كانی ڕژیمی به‌شار ئه‌سه‌د و ده‌وڵه‌تی ئه‌حمه‌د شه‌رع دا ده‌ستی پێكرد و به ده‌یان كه‌س كوژرا و بریندار بوون.
به‌پێی ڕاپۆرته‌كان، له شاره‌كانی لازقیه، ته‌رتووس، حۆمس، حه‌ما و جه‌به‌له شه‌ڕێكی قورس له نێوان عه‌له‌و‌ییه‌كان و چه‌كدارانی ته‌حریر شام ڕووی داوه و به لانیكه‌م ١٠٠ كه‌س له هه‌ر دوولا كوژرا و بریندار بوون. شه‌وی ڕابردوو هێزێكی زۆری نیزامی له شاره‌كانی حه‌له‌ب و ئیدلیبه‌وه ڕه‌وانه‌ی به‌ره‌كانی شه‌ڕ كراون و ده‌وڵه‌تی توركیاش هاوكارییان ده‌كات. له به‌ره‌كانی شه‌ڕی ڕۆژئاوای كوردستان، شه‌رڤانان هێرشیان كردووه‌ته سه‌ر تیرۆریستانی سه‌ر به توركیا و گورزی كوشه‌نده‌یان لێ داون. به وته‌ی چالاكانی سیاسی، شۆرای نیزامی ڕزگاركردنی سووریا ده‌ست به كار بووه و وڵاتانی عه‌ره‌بی سه‌باره‌ت به هه‌ڵگیرسانی شه‌ڕی نێوخۆیی له‌و وڵاته هۆشدار ده‌ده‌ن.
