قه‌یرانی بێ ئاوی له‌ سه‌دان گوندی ئازه‌ربایجانی غه‌ربی

به‌وته‌ی به‌رپرسانی ئوستانی ئازه‌ربایجانی غه‌ربی، ٦٠٠ گوندی ئه‌و پارێزگایه‌ تووشی قه‌یرانی كه‌م ئاوی بوون و به‌ تانكه‌ر ئاویان بۆ دابین ده‌كرێت.

سه‌رۆكی ڕێكخراوی ئاو و ئاوه‌ڕۆی ئوستانی ئازه‌ربایجانی غه‌ربی ڕایگه‌یاند: به‌هۆی دابه‌زینی ڕێژه‌ی بارانبارین و لێدانی سه‌دان بیری ئاو له‌و پارێزگایه‌، ٦٠٠ گوند تووشی قه‌یرانی كه‌م ئاوی بوون. ئاستی ئاوی ژێر زه‌وی كه‌می كردووه‌ و كاریز و كانیاوه‌كان وشك بوون، به‌و بۆنه‌وه‌ گوندنشینان به‌ تانكه‌ر ئاوی خواردنه‌وه‌ دابین ده‌كه‌ن.