شۆرای هاوئاهه‌نگی ڕێكخراوه سنفییه‌كانی فه‌رهه‌نگیانی ئێران له كاردانه‌وه به‌رانبه‌ر به مه‌رگی ئیبراهیم ڕه‌ئیسی و شاندی یاوه‌ری له ڕووداوی كه‌وتنه‌خواره‌وه‌ی هێلیكۆپته‌ر له وه‌رزه‌قان، ڕایگه‌یاند: “ژاراوی كردنی قوتابیان” ڕه‌شترین خاڵی ئاسمانی وه‌زاره‌تی ئامووزش و په‌روه‌رش له سه‌رده‌می سه‌رۆك كۆماری ئیبراهیم ڕه‌ئیسیه.
ئه‌و ڕێكخراوه‌یه له به‌یاننامه‌ی خۆیدا ئاماژه‌ی به ڕووداوه ڕه‌شه‌كانی سه‌رده‌می سه‌رۆك كۆماری ئیبراهیم ڕه‌ئیسی كردووه و ڕایگه‌یاندووه كه هێرشی هێزه ئه‌منیه‌كانی ڕژیم بۆ سه‌ر قوتابخانه‌كان، لێدان و كوژرانی زیاتر له ٨٠ قوتابی و دوو موعه‌لیم، ده‌ستبه‌سه‌ركران و زیندانی كردنی قوتابیان، قه‌یراناوی ترین ده‌وره‌ی ئامووزش و په‌روه‌رش له دوای شۆڕشی ٥٧ی هه‌تاوی بووه. شۆرای هاوئاهه‌نگی ڕێكخراوه سنفیه‌كانی فه‌رهه‌نگیان هه‌روه‌ها ئیشاره‌ی به زیندانی كردنی موعه‌لیمان، خانه‌نشین كردنی ئیجباری، له‌سه‌كار ده‌ركردن، دامه‌زراندنی سێ هه‌زار ئاخوند له ئامووزش و په‌روه‌رش، كه‌می موعه‌لیم له مه‌دره‌سه‌كانی ئێران و ئیدئۆلۆژیك كردنی كتێبه ده‌رسیه‌كان كردووه و ڕایگه‌یاندووه كه ناكارامه‌ترین ده‌وره‌ی ئامووزش و په‌روه‌رش له كاتی سه‌رۆك كۆماری ئیبراهیم ڕه‌ئیسی دا بووه.
