50
به‌ڕێوه‌به‌ری نۆژه‌نكردنه‌وه، ته‌یاركردن و په‌ره‌پێدانی قوتابخانه‌كانی ئوستانی كوردستان ڕۆژی یه‌كشه‌ممه ٦ی جۆزه‌ردان ڕایگه‌یاند: شاره‌كانی مه‌ریوان، بانه، سه‌قز، قوروه، دێولان و ناحیه‌ی یه‌كی سنه كه‌می كلاسی ده‌رس و مه‌دره‌سه‌یان هه‌یه.
به وته‌ی ئه‌و به‌رپرسه‌ی ڕژیم ١٩ له سه‌دی فه‌زای ئامووزشی پارێزگای كوردستان پێویستی به ڕووخان و نۆژه‌نكردنه‌وه هه‌یه. له‌و ڕێژه‌یه شه‌ش له سه‌دیان ئه‌بێ بڕووخێندرێن و ١٣ له سه‌دیان نۆژه‌ن و چاك بكرێنه‌وه. به‌پێی زانیارییه‌كان، زۆربه‌ی قوتابخانه‌كانی ناحیه‌ی یه‌كی سنه، دێولان، قوروه، سه‌قز، بانه و مه‌ریوان دوو شیفته كراون و ئیمكاناتی په‌روه‌رده‌ی منداڵان زۆر لاوازه.
