كوژرانی هاووڵاتیه‌ك له‌لایه‌ن لیباس شه‌خسیه‌كانی حكوومه‌ت له‌ خۆڕه‌م ئاوا

ڕۆژی پێنجشه‌ممه‌ ١٣ی گوڵان، هاووڵاتیه‌كی خه‌ڵكی خۆڕه‌م ئاوا به‌ ناوی “ئومید ڕه‌زایی” ته‌مه‌ن ٣٧ ساڵ به‌ ته‌قه‌ی لیباس شه‌خسیه‌كانی حكوومه‌ت كوژرا.

به‌پێی زانیارییه‌كان، “ئومید ڕه‌زایی” خێزاندار و باوكی چوار منداڵ بووه‌ و كاتێك له‌ تالارێكی زه‌ماوه‌ند له‌ شاری خۆڕه‌م ئاوا هاتۆته‌ ده‌ره‌وه‌، له‌لایه‌ن چه‌كدارانی سه‌ر به‌ حكوومه‌ت پێكراوه‌ و ده‌ستبه‌جێ گیانی له‌ده‌ست داوه‌.