له ڕۆژانی ڕابردوودا، پیاوێكی خه‌ڵكی گوندی كێڵانه‌ی سه‌ر به شاری سنه به ناوی “مێهران محه‌ممه‌دی” هاوژینه‌كه‌ی به ناوی “شه‌هین گه‌وێڵی” كوشتووه و دواجار خۆشی له ڕێگه‌ی خۆكوژییه‌وه كۆتایی به ژیانی هێناوه.
به‌پێی زانیارییه‌كان، “مێهران محه‌ممه‌دی” به هۆكارێكی نادیار سه‌ره‌تا ئاگری له جه‌سته‌ی هاوسه‌ره‌كه‌ی به‌رداوه و به‌دوای دڵینا بوون له گیانله‌ده‌ستدانی ژنه‌كه‌ی، له ڕێگه‌ی خۆكوژییه‌وه كۆتایی به ژیانی خۆی هێناوه. نه‌بوونی یاسایه‌ك بۆ پاراستنی كه‌رامه‌ت و ژیانی ژنان و كچانی كۆمه‌ڵگا ئاستی جیاوازی جنسیه‌تی و سوئیستیفاده‌ی بردۆته سه‌ره‌وه. هه‌بوونی یاسای شه‌رعی بۆ پشتگیری له پیاوان، هه‌ژاری، بێكاری، گیرۆده‌بوون به مادده‌ی هۆشبه‌ر، نه‌بوونی ڕێكخراوه‌ی سه‌ربه‌خۆ بۆ داكۆكی كردن له مافی ژنان بووه‌ته هۆی به‌رزبوونه‌وه‌ی توندووتیژی خێزانی و ساڵانه به ده‌یان ژن له‌لایه‌ن بنه‌ماڵه‌كانیانه‌وه به بیانووی پاراستنی شه‌ره‌ف ده‌كوژرێن.
