43
ڕۆژی یه‌كشه‌ممه ٣ی پووشپه‌ڕ، ژنێكی گه‌نجی خه‌ڵكی شاری سنه له‌لایه‌ن هاوژینه پێشووه‌كه‌یه‌وه به شێوه‌یه‌كی وه‌حشیانه به ٢٠ زه‌ربه‌ی چه‌قۆ كوژرا.
به‌پێی ڕاپۆرته‌كان، هاوژینی پێشووی ئه‌و ژنه كه هێشتا ناسناوی ئاشكرا نه‌كراوه له ده‌ورووبه‌ری شه‌قامی سیرووس و له‌به‌رده‌م ده‌فته‌رخانه‌یه‌كی جیابوونه‌وه هێرشی كردووه‌ته سه‌ر هاوسه‌ره‌كه‌ی و به ٢٠ زه‌ربه‌ی چه‌قۆ كوشتوویه. به وته‌ی سه‌رچاوه‌كانی هه‌واڵ، بكوژ له‌لایه‌ن پۆلیسه‌وه ده‌ستبه‌سه‌ر كراوه و وتوویه كه به بۆنه‌ی كێشه‌ی خێزانی ئه‌و تاوانه‌ی ئه‌نجام داوه.
