4
ڕۆژی سێشه‌ممه ٢٥ی به‌فرانبار، كرێكارانی شاغڵ له شاره‌داری كووت عه‌بدۆڵڵای ئه‌هواز بۆ چه‌نده‌مین ڕۆژی به‌رده‌وام دژ به نه‌دانی داخوازییه‌كانیان كۆبوونه‌وه.
كرێكارانی شاره‌داری كووت عه‌بدۆڵڵا له كۆبوونه‌وه‌كه‌یان دا خوازیاری په‌رداختی حه‌قده‌ستی مانگه‌كانی خه‌زه‌ڵوه‌ر و سه‌رماوه‌ز بوون و ڕایانگه‌یاند به‌هۆی نه‌دانی حه‌قده‌ست له دۆخێكی سه‌ختی مه‌عیشه‌تی دا ژیان به‌سه‌ر ئه‌به‌ن. هه‌روه‌ها به‌هۆی نه‌دانی حه‌قی بیمه كرێكارانی ئه‌و ناوه‌نده ده‌وڵه‌تییه تووشی كێشه‌ی ده‌رمانی بوون و ناتوانن سه‌ردانی ناوه‌نده ده‌رمانییه‌كان بكه‌ن.
