كۆبوونه‌وه‌ی خانه‌نشینكراوانی خووزستان له‌ ئه‌هواز

ڕۆژی چوارشه‌ممه‌ ٤ی ڕه‌زبه‌ری ١٤٠٣، خانه‌نشینكراوانی ته‌ئمیین ئیجتیماعی له‌ شاره‌كانی باوی، سووسه‌نگرد،حه‌میدیه‌ و كاروون خۆیان گه‌یانده‌ ئه‌هواز و دژبه‌ جێبه‌جێ نه‌كردنی داخوازییه‌كانیان كۆبوونه‌وه‌.

به‌پێی ڕاپۆرته‌كان، خانه‌نشینكراوانی ناڕازی له‌به‌رده‌م ده‌فته‌ری كانوونی خانه‌نشینكراوانی ته‌ئمیین ئیجتیماعی ناڕه‌زایه‌تیان ده‌ربڕیوه‌ و خوازیای وه‌لانانی بیمه‌ی “ئاتیه‌ سازان” و به‌كرده‌وه‌ده‌رهاتنی ماده‌ی ٥٤ی ته‌ئمیین ئیجتیماعی بۆ دابینكردنی ده‌رمانی خۆڕایی و هه‌روه‌ها به‌ڕێوه‌چوونی بڕگه‌كانی ٩٦ و ١١١ی یاسای ته‌ئمیین ئیجتیماعی بوون.