كۆبوونه‌وه‌ی خانه‌نشینكراوانی فه‌رهه‌نگی ساڵی ١٤٠٢ له‌ تاران

ڕۆژی دووشه‌ممه‌ ١٧ی به‌فرانبار، خانه‌نشینكراوانی فه‌رهه‌نگی ساڵی ١٤٠٢ له‌ سه‌راسه‌ری ئێرانه‌وه‌ خۆیان گه‌یانده‌ تاران و له‌به‌رده‌م وه‌زاره‌تی په‌روه‌رده‌ دا كۆبوونه‌وه‌.

خانه‌نشینكراوانی فه‌رهه‌نگی به‌ به‌ده‌سته‌وه‌گرتنی پلاكارد و وتنه‌وه‌ی دروشم خوازیاری پێدانی پاداش و سه‌نه‌وات، زیادكردنی حه‌قده‌ست به‌پێی ڕێژه‌ی هه‌ڵاوسان، به‌كرده‌وه‌ده‌رهاتنی گه‌ڵاڵه‌ی هاوسانسازی، دابینكردنی بیمه‌ی ته‌كمیلی و چاكسازی له‌ ژیان و مه‌عیشه‌تیان بوون. به‌ پێی ئه‌و ویدیۆیانه‌ی له‌ تۆڕه‌ كۆمه‌ڵایه‌تیه‌كان بڵاو كراوه‌ته‌وه‌، ڕژیمی سه‌ركوتگه‌ر هێزه‌ ئینتزامییه‌كانی بۆ سه‌ركوتی خانه‌نشینكراوان جێگیر كردووه‌.