36
ڕۆژی چوارشه‌ممه ١٥ی خاكه‌لێوه، دانیشتووانی گونده‌كانی سیس و سرنجیانه‌ی سه‌ر به شارستانی دێولان بۆ جارێكی دیكه دژبه خراپی ڕێگه و بان كۆبوونه‌وه و جاده‌كانی ئه‌و ناوچه‌یان داخست.
به‌وته‌ی هاونیشتمانیان، به‌هۆی تڕانزیتی بوونی جاده‌كه و هاتووچۆی به‌رده‌وامی بارهه‌ڵگر و كامیۆن، مێحوه‌ری دێولان بۆ سنه له ناو چووه و به‌رپرسانی ئوستان هیچ بایه‌خێكی پێ ناده‌ن. هاووڵاتێك له‌و باره‌وه ده‌ڵێت: ساڵانه به‌هۆی خراپی ڕێگه و بان و ناستانداردبوونی جاده، ده‌یان كه‌س ده‌بنه قوربانی، چه‌ند جار كۆبوونه‌وه‌ی ناڕه‌زایه‌تیان به‌ڕێوه بردووه به‌ڵام هیچ ناوه‌ندێكی ده‌وڵه‌تی سه‌ره‌نجی به داواكارییه‌كانیان نه‌داوه.
