ڕۆژی هه‌ینی ١٣ی ڕێبه‌ندان، كۆمه‌ڵێك له چالاكانی مه‌ده‌نی سیستان هاوكات له‌گه‌ڵ ڕۆژی جیهانی تاڵاوه‌كان، له سه‌ر به‌ستێنی تاڵاوی هاموون دا كۆبوونه‌وه و ناڕه‌زایه‌تی خۆیان له ئاست بایه‌خ نه‌دانی ڕژیم به ژینگه و سرووشتی ئه‌و ناوچه‌یه نیشان دا.
به‌پێی ڕاپۆرتی كه‌مپه‌ینی چالاكانی به‌لووچ، ژینگه‌ی سیستان و تاڵاوی هاموون ماوه‌ی دوو ده‌یه‌یه كه گیرۆده‌ی وشكه‌ساڵی و به‌ڕێوه‌به‌رایه‌تی ناكارامه‌ی به‌رپرسانی ڕژیمه. له‌لایه‌كی دیكه‌وه ئه‌فغانستان ده‌ستی داوه‌ته درووستكردنی به‌ندئاو و هێشتا ده‌وڵه‌ت نه‌یتوانیوه دیپلۆماسییه‌كی كارامه له‌گه‌ڵ حكوومه‌تی تالیبان، ده‌وڵه‌تی پاكستان و هندووستان ساز بكات بۆ ئه‌وه‌ی حه‌ق ئاوه‌ی سیستان بدرێت. شایانی باسه كه به بۆنه‌ی وشكبوونی تاڵاوی هاموون و چانیمه‌كانی زابول هه‌زاران كه‌س ناچار به كۆچكردن بۆ پارێزگاكانی دیكه بوون.
