29
ڕۆژی دووشه‌ممه ٧ی ڕه‌شه‌ممه، خوازیارانی دامه‌زران له هێزی پۆلیسی شه‌نگال له ناڕه‌زایه‌تی به ڕه‌دكردنه‌وه‌ی په‌روه‌نده‌كانیان و دامه‌زراندنی كه‌سانی دیكه له جیاتی ئه‌وان، كۆبوونه‌وه.
به‌پێی بانگه‌شه‌یه‌ك كه پێشتر كرابوو، بڕیار بوو هه‌زار هێزی پۆلیس له نێو لاوانی بێكاری شه‌نگاڵ دابمه‌زرێنن، ٢٥٠٠ كه‌س ناوی تۆمار كردبوو به‌ڵام له جیگه‌یان كه‌سانی دیكه‌یان دامه‌زراند و هه‌ڵسووكه‌وته‌ی ده‌وڵه‌تی عێراق ناڕه‌زایه‌تی لاوانی شه‌نگالی لێكه‌وته‌وه. به‌پێی ڕێكه‌وتننامه‌ی نێوان هه‌ولێر و به‌غدا، ئه‌بێ ٢٥٠٠ هێزی پۆلیس له نێو لاوانی شه‌نگال بۆ پاراستنی ئه‌و شاره به‌ربژێر بكرێن، به‌ڵام ده‌وڵه‌تی عێراق به دامه‌زراندنی كه‌سانی دیكه ڕێكه‌وتننامه‌كه‌ی پێشێل كردووه.
