كۆبوونه‌وه‌ی خوێندكارانی زانیاری پزیشكی زانكۆی ئازاد له‌ یه‌زد

ڕۆژی چوارشه‌ممه‌ ٢١ی سه‌رماوه‌زی ١٤٠٣، خوێندكارانی بواری زانیاری پزیشكی له‌ زانكۆی ئازادی یه‌زد له‌به‌رده‌م ئه‌و ناوه‌نده‌ كۆبوونه‌وه‌.

خوێندكارانی بواری زانیاری پزیشكی زانكۆی ئازاد له‌ ئاست چوونه‌سه‌ره‌وه‌ی سێ هێنده‌یی نرخی ترمه‌كانی خوێندن ناڕازین و ده‌ڵێن: به‌رپرسانی ده‌وڵه‌تی و وه‌زیری په‌روه‌رده‌ به‌ڵێنی چاره‌سه‌ركردنی كێشه‌كانی دابوو، به‌ڵام ده‌وڵه‌ت هێشتا هیچ هه‌نگاوێكی هه‌ڵ نه‌گرتووه‌ و به‌شێك له‌ خوێندكاران به‌هۆی نه‌بوونی توانای ماڵی وازیان له‌ خوێندن هێناوه‌.