20
ڕۆژی دووشه‌ممه ٢١ی خه‌زڵوه‌ری ١٤٠٣، كرێكارانی شاغڵ له پترۆشیمی ئابادان دژ به نه‌دانی داخوازییه‌كانیان كۆبوونه‌وه.
به‌پێی زانیارییه‌كان، سه‌ره‌تای ساڵی ١٤٠٣، كۆمه‌‌ڵی گشتی ساڵانه‌ی پشكداران ڕایگه‌یاندبوو كه پترۆشیمی ئابادان هه‌زار و ٢٠٠ ملیارد تمه‌ن قه‌رزداره و مایه‌پووچ بووه، ئه‌وه له حاڵێكدایه كه ڕێژه‌ی قه‌زداری ئه‌مڕۆی ئه‌و پترۆشیمیه، سنووری سێ هه‌زار و ٢٠٠ ملیارد تمه‌نیشی تێپه‌ڕاندووه. دۆخی خراپی پترۆشیمی ئابادان له حاڵێكدایه كه هێشتا چه‌ند مانگ حه‌قده‌ستی كرێكاران په‌رداخت نه‌كراوه و به‌هۆی نه‌دانی حه‌قی بیمه‌ی كرێكارانی ئه‌و ناوه‌نده سه‌نعه‌تییه، كرێكاران تووشی كێشه‌ی ده‌رمانی بوون. هه‌روه‌ها پێرسۆنێلی پترۆشیمی ئابادان له بیلاته‌كلیفی دا ماونه‌ته‌وه و داوای ڕوونكردنه‌وه‌ی چاره‌نووس و دۆخی پیشه‌ییان ده‌كه‌ن.
