12
ڕۆژی دووشهممه ١٧ی سهرماوهزی ١٤٠٤ی ههتاوی، كۆمهڵێك له كرێكارانی شیركهتی نهوتی فهلات قاڕهی لاوان له ناوچه عهمهلیاتییهكانی سیری و خارك، دژ به وهدینههاتنی بهڵێنهكانی بهرپرسان كۆبوونهوه.
به پێی ڕاپۆرتهكان، بهشداربووانی كۆبوونهوهكه به وتنهوهی درووشم دژ به گهندهڵی بهرپرسانی ڕژیمی كۆماری ئیسلامی و ههڵكردنی پلاكارد، خوازیاری بهرز كردنهوهی ئاستی حهقدهست به پێی ڕێژهی ههڵاوسان، دابین كردنی بیمهی دهرمانی كارامه، ئیمهنی شوێنی كار و ئیمكاناتی ڕیفاهی، تهزمینی ئهمنیهتی پیشهیی، به كردهوه دهرهاتنی یاسای ١٥ ڕۆژ كار و ١٥ ڕۆژ پشوودان، پێدانی حهقدهست و مهزایا دواخراوهكان، وهرگرتنی هێزی كاری نوێ و ههروهها سهربهخۆیی سندوقی خانهنشینی خانهنشینكراوانی سهنعهتی نهوت بوون.
