كۆبوونه‌وه‌ی نه‌رگس محه‌ممه‌دی و چالاكانی ژن له‌به‌رده‌م زیندانی ئێڤین

شه‌وی سێشه‌ممه‌ ٣٠ی ڕێبه‌ندان، نه‌رگس محه‌ممه‌دی براوه‌ی خه‌ڵاتی نۆبێلی ئاشتی و ژماره‌یه‌ك له‌ چالاكانی مافی ژن له‌به‌رده‌م زیندانی ئێڤین دا كۆبوونه‌وه‌ و په‌تی سێداره‌یان سووتاند.

به‌پێی زانیارییه‌كان، نه‌رگس محه‌ممه‌دی و چالاكانی مافی ژن هاوكات له‌گه‌ڵ مانگرتنی به‌ندكراوان له‌ كارزاری سێشه‌ممانه‌ی نا بۆ ئێعدام، به‌ به‌ده‌سته‌وه‌ گرتنی پلاكارد له‌به‌رده‌م زیندانی ئێڤین كۆبوونه‌ته‌وه‌ و به‌ وتنه‌وی دروشم، خوازیاری هه‌ڵوه‌شانه‌وه‌ی سزای سێداره‌ و ئازادی هه‌موو به‌ندكراوانی سیاسی بوون.