14
شه‌وی دووشه‌ممه ٢٧ی ڕه‌شه‌مه‌ی ١٤٠٣، بنیامین نتانیاهوو به فه‌رمی كۆتایی به ئاگربه‌ستی غه‌زه هێنا و فه‌رمانی به ئه‌رته‌شی ئه‌و وڵاته دا هێرش بكاته سه‌ر چه‌كدارانی حه‌ماس و به هۆیه‌وه ده‌یان كه‌س كوژرا و بریندار بوون.
به‌پێی ڕاپۆرتی ئه‌لعه‌ره‌بییه، له هێرشه ئاسمانییه‌كانی شه‌وی ڕابردووی ئیسڕائیل بۆ سه‌ر غه‌زه، به لانیكه‌م ٣٢٢ كه‌س كوژراون و به ده‌یان كه‌سی دیكه بریندار بوون. له نێو كوژراوان دا ژماره‌یه‌ك به‌رپرسی حه‌ماس بوونیان هه‌یه كه ناویان بریتیه له: عوسام ده‌یالیس سه‌رۆك وه‌زیرانی حه‌ماس، ته‌یێب ئه‌بووعۆمه‌ر حه‌تا جێگری وه‌زیری دادگوسته‌ری حه‌ماس، ئه‌بووعۆبه‌یده محه‌ممه‌د جه‌ماسی ئه‌ندامی ده‌فته‌ری سیاسی حه‌ماس و مه‌حموود ئه‌بووته‌فه جێگری وه‌زیری كیشوه‌ری حه‌ماس.
