6
به‌پێی هه‌واڵی گه‌یشتوو، له ڕۆژانی ڕابردوودا، دایه فاتمه فه‌ره‌جی، دایكی پێشمه‌رگه‌یه‌كی گیانبه‌ختكردووی ڕێزه‌كانی كۆمه‌ڵه به ناوی “یه‌دێ كاینچای” پێشمه‌رگه‌ی گوردانی كاوه، ماڵئاوایی له ژیان كردووه.
دایه فاتمه ژنێكی تێكۆشه‌ری خه‌ڵكی گوندی كانیچای سه‌ر به شاری دیوانده‌ره بوو كه ڕۆڵه‌یه‌كی قاره‌مانی له ڕێزی پێشمه‌رگه‌كانی گوردانی كاوه گیانی له پیناو ئازادی و به‌رابه‌ری دا به‌خت كرد. له‌لایه‌ن كۆمه‌ڵه و حیزبی كۆمۆنیستی ئێرانه‌وه سه‌ره‌خۆشی خۆمان ئاراسته‌ی بنه‌ماڵه‌ی ئازیزی و هه‌موو دۆستان و كه‌س و كاری له ئاوای كانیچای و شاری دیوانده‌ره ده‌كه‌ین و یادی ڕۆڵه قاره‌مانه‌كه‌ی و هه‌موو گیانبه‌ختكردووانی ڕێگای سۆسیالیزم به‌رز ڕاده‌گرین.
