47
به‌پێی هه‌واڵی گه‌یشتوو، ڕۆژی هه‌ینی ٢٤ی خاكه‌لێوه، پێشمه‌رگه‌یه‌كی دێرینی كۆمه‌ڵه به ناوی كاك “خالید فه‌لاح” خه‌ڵكی گوندی حسێن ئاوای سه‌ر به شاری سنه به‌هۆی نه‌خۆشی دڵه‌وه گیانی له‌ده‌ست دا.
به‌وته‌ی سه‌رچاوه‌كانی هه‌واڵ، كاك “خالید فه‌لاح” كه‌سایه‌تێكی خۆشناوی كۆمه‌ڵگا و وه‌فادار به ئامانجه‌كانی كۆمه‌ڵه بووه. به وته‌ی هاورێیانی کاک خالید، ناوبراو تا دوا هه‌ناسه شانازی به ماوه‌ی ژیانی پێشمه‌رگایه‌تی كردووه و به درێژایی ته‌مه‌نی، به‌رده‌وام به‌رگری له به‌رنامه و ئامانجه‌كانی كۆمه‌ڵه كردووه و خه‌مخۆری هه‌ژاران و چینی چه‌وساوه‌ی كۆمه‌ڵگا بووه.
