به‌یانی چوارشه‌ممه ١٧ی گه‌لاوێژ، حوكمی ئێعدامی چوار به‌ندكراو له‌وانه چوار به‌ندكراوی كورد له زیندانی قزلحه‌ساری كه‌ره‌ج به تۆمه‌ته‌كانی په‌یوه‌ندیدار به مادده‌ی هۆشبه‌ر و كوشتنی به ئه‌نقه‌ست جێبه‌جێ كرا.
به‌پێی زانیارییه‌كان، ٧ كه‌س له‌و ٢٢ به‌ندكراوه به تۆمه‌تی په‌یوه‌ندیدار به ماده‌ه‌ی هۆشبه‌ر و چوار كه‌سیان به تۆمه‌تی كوشتنی به ئه‌نقه‌ست له‌سێداره دراون، هه‌روه‌ها سێ به‌ندكراو خه‌ڵكی ئه‌فغانستان و ٧ به‌ندكراو چالاكی ئایینی بوون و به‌ندكراوێكیش هۆكاری له‌سێداره‌دانی دیار نییه. ناسناوی شه‌ش به‌ندكراو بریتیه له: “ئیسماعیل شه‌ره‌فی”، “محه‌ممد غوڵامی”، “عه‌بدۆڵڵا شه‌هنه‌وازی”، “شه‌هاب مه‌له‌كی”، “ڕه‌سوول(پاشناو نادیار) و كه‌سێك به پاشناوی قه‌نبه‌ری. شایانی باسه كه به‌یانی چوارشه‌ممه، به‌ندكراوێكی دیكه‌ش له زیندانی سه‌بزه‌وار به ناوی “ئه‌كبه‌ر گه‌وهه‌ری” به تۆمه‌تی كوشتنی به ئه‌نقه‌ست له سێداره دراوه.
