له‌سێداره‌دانی چوار به‌ندكراو له‌ زیندانی ورمێ

به‌یانی یه‌كشه‌ممه‌ ٢٦ی ڕه‌شه‌مه‌ی ١٤٠٣، چوار به‌ندكراو له‌وانه دوو ژن به‌ تۆمه‌تی كوشتنی به‌ ئه‌نقه‌ست له‌ زیندانی ورمێ له‌ سێداره‌ دران.

به‌پێی ڕاپۆرتی كانوونی مافی مرۆڤی كوردستان، ناسناوی ئه‌و چوار به‌ندكراوه‌ بریتیه‌ له‌: موژگان ئازه‌رپیشه، كه‌وسه‌ر باقرنژاد، حامد فه‌ره‌جی و ئه‌رشه‌د فه‌رزادبه‌ند. ئه‌و چوار شارومه‌نده‌ پێشتر به‌ تۆمه‌تی كوشتنی به‌ ئه‌نقه‌ست ده‌ستبه‌سه‌ر و له‌لایه‌ن ده‌زگای قه‌زایی ڕژیمه‌وه‌ به‌ “قیساس” مه‌حكووم كرابوون.