33
ڕۆژی سێشه‌ممه ١٠ی ڕێیه‌ندانی ١٤٠٢، خه‌ڵكی خۆڕاگری شاره‌كانی كوردستان چوون به‌ده‌م بانگه‌وازی حیزب و لایه‌نه سیاسیه‌كان، هه‌روه‌ها ڕێكخراوه‌كانی مافی مرۆڤ و هه‌موو بازاڕه‌كانیان داخست.
به‌پێی ئه‌و ڕاپۆرتانه‌ی به ده‌ستمان گه‌یشتووه، بازاڕی تاناكۆرای سنه، شارۆچكه سه‌نعه‌تیه‌كانی ١ و ٢ و ٣ی سنه، به‌هاران و بازاڕی ناوه‌ندی ئه‌و شاره به ته‌واوی داخراون. له دیوانده‌ره، كامیاران، كرماشان، دێولان، مهاباد، بۆكان، بانه، سه‌قز، مه‌ریوان و سه‌وڵاوا دووكانه‌كان سه‌دا سه‌د داخراون. هه‌روه‌ها خه‌ڵكی شۆڕشگێڕی كوردستان له‌به‌رده‌م ماڵی گیانبه‌ختكردووان “پژمان فاتحی“، “موحسن مه‌زڵووم“، “وه‌فا ئازه‌ربار” و “محه‌ممه‌د فه‌رامه‌رزی“دا كۆبوونه‌ته‌وه و په‌یامی یه‌كگرتوویی و پشتیوانیان بۆ بنه‌ماڵه‌ی دادخوازان دووپات كردۆته‌وه.
